Historia d'Albania

Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. Pues añadiles tu mesmu o avisar al autor principal del artículu na so páxina d'alderique pegando: {{subst:Avisu referencies|Historia d'Albania}} ~~~~

La historia d'Albania como estáu independiente empieza dempués de les Guerres Balcániques (1912-1913). Entós daquella Albania yera un país subdesendolcáu y el llar de daqué menos d'un millón de persones estremaes en trés grandes grupos relixosos y dos distintes clases sociales: aquellos que yeren dueños de la tierra y defendíen los sos derechos semifeudales, y aquellos que nun lo yeren. Los primeres siempres tuvieron el control de los puestos de poder nel centru y sur del país, por consiguiente esperaben caltener los sos privilexos una vegada qu'Albania se fixera independiente. Sicasí, la mayoría de la población empezara a cuestionar esa situación. Amás, casi tola aristocracia terrateniente profesaba la relixón musulmana, según la mayoría de los oficiales y funcionarios públicos entrenaos pola alministración del Imperiu otomanu. En consecuencia la mayoría de los puestos alministrativos -en tolos niveles- yera remanáu por albaneses de relixón musulmana.